Scho spannend was e Dialäkt alles i üs uslöst. Drum schrib ig hüt o einfach Mau i mire Muettersprach em Bärndütsch. Wobi - rein Bärndütsch isch es ja nid. Mi Vater isch vom Seeland, mini Muetter
us em Kanton Solothurn, mini Grossmuetter vom friburgische Sensebezirk... Scho lustig, dass no hüt wenn ig öper us däm Bezirk ghöre rede mir sofort einzelni Wörter vo mire
Grossmuetter i Sinn chöme.
Erinnerige spichere sich o a Wörter. Wie ig die Wuche glehrt ha im Teil vom Ghirn wo "limbisches System" heisst - aber das isch e anderi Gschicht.
Es git i jedem Dialäkt einzelni Wörter wo fasch nid ds übersetze si. Hie es spannends Video zu däm Thema wo ig vore ganz tolle Frou ha zuegspielt becho. Eini wo
no ds grächtem weiss wie me tuet seislere u redet wie ihre dr Schnabu gwachse isch.
